與惠天賜同屬京劇戲班師傅粉菊花門下的楊盼盼，表示幾日前惠天賜要到廣州試造型，惟一直找不到他：「因為幾個月前惠英紅提議我搵師兄拍戲，當時佢（指惠天賜）喺北京，我哋通電話嘅時候，佢精神狀態都好好，直至一個星期前，我叫佢要操fit啲，因為新戲要打，佢話OK呀，仲特登減肥。」盼盼又表示：「佢助手講警察去到惠天賜屋企破門，知道出咗事，跟着佢都喊到收唔到聲，我都唔知講乜好，我真係接受唔到，師兄係一個心地好好、好感性嘅人，一時間好難接受。」
