鄧萃雯昨日接受電台訪問表示下月將與薛家燕一同到雲頂登台唱歌，她笑言自己好懶，曾想過收爐不再拍劇︰「拍劇只係我其中一個工作，依家係休養期，人一定要休息吓同進修吓，我未知幾時先再開工，等有合適嘅劇本先再拍劇啦。」
問到《巾幗3》被飛出局會否覺得可惜？雯女說︰「唔可惜！我好信任添哥，佢唔搵我一定有佢嘅原因。其實一套劇係要成件事配合得好，唔係淨係睇一個人。」她又說︰「依家最想同黃子華合作，我等咗好多年喇！」
