苟姑娘煲蠟危險決不犯禁
明天是中秋佳節，兩代「女神」陳法拉、岑麗香和苟芸慧雖然都是在外國長大的「竹升妹」，卻對中國傳統節日深感興趣，不但親自設計月餅，並呼籲不要煲蠟，以身試法。
宅男女神苟芸慧（苟姑娘）在加拿大長大，她表示因為在外國沒有特別慶祝活動，笑言返學當「做節」，而全靠苟媽媽堅持中秋節正日要一家人食「團圓飯」，讓苟姑娘感受中秋節氣氛。她坦言：「媽咪唔畀我哋食咁多月餅，我最鍾意用西柚擺頭當帽戴。至於煲蠟，我曾經聽人哋講過，但未試過亦未見過，不過太危險啦，而且喺香港煲蠟係犯法嘅，所以從來都唔會試。」
拎住燈籠周圍玩
至於陳法拉就最愛吃傳統蛋黃蓮蓉月餅，她說：「食傳統月餅令我憶起好多童年回憶，而中秋節好有氣氛和感覺好sweet。」她自爆小時候曾偷偷地跟其他小朋友去煲蠟：「以前成班小朋友拎住啲燈籠，好似癲咗咁跑嚟跑去玩，依家諗番都真係好開心。不過煲蠟就非常危險而且犯法，我會勸朋友唔好以身試法。」
香香嗜吃「朱古力月」
被封「香香公主」的新一代宅男女神岑麗香（香香），同樣在加拿大長大，雖然是位「竹升妹」，但因為學校有中國文化堂，所以她對傳統節日都略有認識。她說：「以前學校有教，不過係轉晒做英文。依家返咗香港，聽到人哋講中秋節嘅嘢，我就會好興奮，因為我識呀！」她還自爆是「嗜甜一族」，所以最愛吃月餅。提到「食」就雙眼發光的她，一口氣列舉以前吃過的月餅口味，更大呼最愛朱古力味月餅！
文：專案組