朱千雪沖繩選美自生自滅

釣魚島事件令中日關係日趨緊張，政治層面問題與娛樂事業亦自自然然扯上關係，梁朝偉日前因被邀拍日資電影而被網民炮轟，偉仔最終決定辭演，羅志祥、楊冪等則第一時間取消赴日計劃以表「愛國」，即使損失慘重亦在所不惜。

大會負責人身安全

然而無綫竟無視民憤，在不安排保母隨行照顧下，決意派出本屆港姐季軍朱千雪代表香港，遠赴日本沖繩參加「國際小姐」選美，昨更大費周章，安排一眾應屆港姐返回電視台，舉行熱烈歡送會，預祝朱千雪10月1日（後日）成功踏上征途。

對於在這個敏感時期赴日，無綫與朱千雪也認為問題不大，後者更認為是一個很好的機會學習獨立：「都慣咗自己化妝，自己可以照顧到自己。（中日關係緊張喎。）都唔係好擔心，因為同各國佳麗一齊，大會會負責我哋嘅人身安全嘅。」至於有機會面對網民的無情炮轟，朱千雪事後接受電話訪問補充謂：「其實當選季軍時，我已經知道要代表香港去日本選美，嗰時（中日）關係未有咁緊張，況且呢個係公司安排，我只想專心選美，我嘅微博內有好多網民留言幫我打氣。」她又表示得悉當地有統籌負責照顧，所以家人對她赴日亦十分支持。

朱千雪又透露自己準備了十多套戰衣赴日，以最佳狀態迎戰，幸而參選港姐期間減去的十餘磅贅肉，至今亦沒有「反彈」。談到勝算，她謂：「睇過其他佳麗啲相，似乎都好高質素，但要睇埋真人先知。」她又揀選了小禮物，包括電話繩及T恤等，打算送贈其他佳麗打開溝通橋樑。而昨日她則獲港姐冠軍張名雅等，送贈恤髮器及耳環為她打氣，氹得她笑逐顏開。

無綫：應該冇問題

無綫外事部副總監曾醒明回覆記者電話查詢有關朱千雪赴日的人身安全問題時，他解釋謂：「我哋打過去嗰邊問大會，佢哋確保到佳麗嘅安全，況且呢個係民間活動，同釣魚島事件係兩回事，衡量過後我哋決定派人參加。（冇諗過派人去陪朱千雪？）根據國際選美慣例，唔容許經理人或保母陪伴在側，況且佢哋都有統籌，應該冇問題。」

文：影視組