鄺美雲託人慰問為彤叔祈福
新世界發展創辦人兼榮譽主席鄭裕彤（彤叔）早前中風，現時仍然留院，與鄭家關係友好的鄺美雲，表示雖然未有前往醫院探望彤叔，但已託人慰問，更為彤叔祈福，非常有心。
鄺美雲、藝人楊采妮、名模馬詩慧、名媛何倍倩等前晚出席活動，鄺美雲手上佩戴巨型名貴鑽飾現身，顯得明艷照人。曾經與彤叔二子鄭家成拍拖，而與彤叔分屬友好的她，被問到有關彤叔的病情時，她說：「冇聯絡，因為諗住佢要多啲休息。佢識得人多，每個人都問候佢會好攰，不過我都有託人問候佢。（情況點？）穩定，要多休息。（擔唔擔心？）吉人自有天相，應該冇事嘅。（為佢念佛？）我日日都會為所有人祈福。（去探佢？）唔會，阻住佢休息，唔舒服嘅人要多休息，唔好咁多人探病。」
楊采妮做番演員
而佩戴七百多萬元首飾現身的楊采妮，透露其執導電影《聖誕玫瑰》已完成拍攝，現正處理後期製作。她表示：「我做演員好少機會接觸後期工作，好有挑戰性，好多嘢學。（有冇影展聯絡你？）一直都有影展聯絡投資公司嗰邊，不過我唔會諗咁多，做好電影先。（幾時拍下一部？）其實我拍呢部電影，唔係想轉型。我依家有睇番做演員嘅劇本，傾緊拍戲。」她表示自己已大半年沒有接拍電影，雖然賺少了錢，但她認為此經歷不能以金錢衡量。
接受女兒同性戀
同場的馬詩慧透露二女在美國修讀高爾夫球好開心，希望女兒可以參加國際賽，不過囡囡試過幾次中暑，因為受唔住太熱的天氣。而問到富豪趙世曾女兒趙式芝的同性婚姻遭父親否定一事，為人母的她表示：「你冇得反對，小朋友做乜都只可以支持，佢哋自己開心最緊要，只要唔係做壞事。（如果係你會否棒打鴛鴦？）其實同性戀都沒甚大不了，只要對方有正當職業，同埋對個女好就可以。」
文：名人組