謝安琪取代法拉做一姐
謝安琪（Kay）自年中離開環球唱片公司後，即成為各大唱片公司的「搶手貨」，連月來有傳金牌大風、星娛樂、星煥國際及黃柏高的太陽娛樂文化等唱片公司「車輪式」向她招手，期間有傳Kay經理人夏森美要全權主理Kay音樂事業「話事權」，方便日後跟任何歌手crossover，故他堅持將Kay香港及大陸的唱片約簽給不同的公司，免被一間唱片公司「綁死」，傳此方案正是令金牌大風卻步的主因。
下周推出新歌
不過本報收到獨家消息，Kay傳以500萬簽2年的優厚條件加盟星煥，並將出席10月3日的「星煥邁向3周年」記者會，取代已完約的陳法拉「一姐」位置，屆時旗下歌手鍾嘉欣、江若琳、鄭欣宜、許廷鏗、胡鴻鈞、女子組合Super Girls將傾巢而出賀新任一姐歸位。昨日星煥老闆何哲圖受訪時承認：「嗰日公司有喜事宣布。」夏森美則保持神秘：「唔好咁心急住，有好嘅合作夥伴定同大家講，Kay嘅音樂發展做得開心。」又透露下周Kay有新歌推出。
轟遭雜誌抹黑
另外，昨日有報道指夏森美開100萬唱一場演唱會的條件，令黃柏高勁嬲，惟有減價「翻兜」星煥，夏森美炮轟：「完全唔係事實，嗰間雜誌記者唔止一次抹黑Kay，再有過火炒作會保留追究權利。（傳簽星煥可得無綫高曝光率？）Kay因為尊重環球先絕迹無綫，自由身後，佢都好多機會做無綫大騷啦。」黃柏高否認斟過Kay：「邊個唔知我要全力捧薛凱琪，係咪借我個名做新聞呀？」
文：音樂組