RB百厭開騷反轉紅館
樂隊RubberBand（RB）入行六年終在年底一圓紅館夢開處男騷，百厭的四子更預告將會搞亂紅館，更會成龍「上身」全場四圍跑，而同時即將約滿金牌大風的他們更否認個唱是續約籌碼！
RubberBand（RB）昨日為《Chill Present：RubberBand EASY Concert 2012》舉行新聞發布會，四子宣布將於12月9日一嘗踏足紅館舞台滋味，舉辦入行以來首個大型演唱會，他們更在台上即席獻唱首度曝光的個唱主題曲。
他們亦透露正在構思個唱Rundown，但四子鬼馬揚言要在紅館「攪亂檔」：「最好搞到有咁亂得咁亂，因為想配合香港現今混亂嘅氣氛，依家個城市好似倒轉咗咁！」他們更要效法成龍在場內通處跑：「我哋想學成龍之前喺頒獎禮咁，喺紅館周圍走！（唔驚釀成意外？）當然安全至上，同埋相信粉絲會守規矩！」
否認開騷會續約
在年底將約滿唱片公司金牌大風的RB，問到紅館騷是否傾洽續約的籌碼？結他手阿偉否認其事：「個騷喺一年前，即係未傾合約時，已經開始籌備緊！」而鼓手泥鯭則搞Gag說：「我覺得係公司畀我哋繼續玩音樂嘅籌碼。」他們更故作神秘稱暫不能透露嘉賓名單，問泥鯭會請緋聞女友李蘊睇騷？他即煞有介事說：「合作過的都會請！」
文：音樂組
攝：鄭家俊