莊思明買百萬跑車冧仔

莊思明今年4月遭陳慧琳胞弟陳司翰狠撇，便火速搭上靚仔德國與越南的混血新歡，兩人愛得火熱，不時結伴夜蒲。今年2月，思明駕車回家時因超速而被判罰款及停牌半年，停牌期間的她幸有男友全力做「柴可夫」，將其細小座駕Fiat交由男友駕駛，負責接載她出入。

爽快簽文件

為免自己細小可愛的「車仔」，令到身材高大的男友過於「屈就」，身為拿督女的莊思明，本周一被發現豪氣地約男友去保時捷陳列室揀新車。當日傍晚6時許，思明孖住男友到場睇車，兩人對場內價值近百萬元的開篷跑車相當感興趣，不停望來望去，繼而主動向職員查問資料，思明見男友望住新車笑到四萬咁口，極速拍板氹男友，經理馬上識做地遞上文件讓思明簽。

莊思明前日帶埋男友揀跑車。

買完名車，莊思明和男友食牛腩麵醫肚。

結伴睇家品

買完新車後，男友繼續任司機，載着思明直赴中環，兩人先去家品店閒逛，繼而再幫襯附近的牛腩麵，豪買跑車的思明，醫肚卻並非一定要食貴嘢，兩人躋身在人頭湧湧的店內，完全不介意和其他食客搭枱，食得相當滋味，女友送車，男友亦相當識做，食完麵後爭住埋單，然後雙雙離開。

思明火速簽文件，豪買保時捷。

莊思明超速被停牌，男友即成為其御用司機。

文、攝：追蹤組