周柏豪拍拖鬼祟前後腳

曾與不少女星如吳雨霏、連詩雅傳緋聞的周柏豪，一直被指有位圈外女友Stephanie朱，更傳早已在將軍澳秘密同居。多年來密冚戀情的他未肯承認正印身份，難怪日前他與女友外出拍拖亦十分鬼祟。

日前晚上9時許，柏豪駕駛其約50萬的Audi座駕接載女友前往跑馬地，避忌的他還找來了一名男友人做「電燈膽」同行作掩護。見三人離開附近食肆後，齊齊步往街頭取車。柏豪與女友為免洩露戀情，沿途相隔數個身位而行扮唔識。直至上車時，女友亦醒目地坐在後排，男友人則坐於司機位旁。

初入店內，柏豪亦刻意與女友保持拒離。

柏豪見店內顧客不多，即上前與女友一齊揀衫。

朋友識趣行開

柏豪驅車到銅鑼灣的商場，當他將座駕停泊於停車場後，又再與女友前後腳行去時裝店。期間柏豪繼續與女友零交流，警覺性甚高的他更刻意與男友人肩並肩而行，Stephanie亦樂做柏豪「背後女友」，緊隨兩男步入時裝店。

柏豪與女友入店後，男友人識做地到店舖另一邊揀衫，好讓他們過二人世界。眼見顧客不多，柏豪即放下戒心，與女友「復合」一齊揀衫。兩人邊揀邊傾，未幾柏豪已大有收穫。付款後，他向女友打了個眼色，兩人繼而「分手」。他拿着大袋戰利品獨自去取車，之後再駕車到附近接載女友上車離開。

文、攝：追蹤組