城城買錶送母 唔怕Lynn呷醋

郭富城及周杰倫緋聞女友昆凌昨出席LONGINES活動，剛拉頭馬的城城全程心情大靚，活動上收到名錶後，更手舞足蹈，大擺鬼馬甫士。提到愛駒「愛的呼喚」首次出賽便旗開得勝，城城興奮地說：「馬會加咗佢10分，依家評分62分，由第四班升上第三班！」

準備薄荷糖氹愛駒

城城透露愛駒勝出獲三十多萬獎金，當中三成分給馬房、七成歸馬主所有，即淨袋廿多萬。問到打算如何使用獎金？他坦言：「隻馬用錢買返嚟嘅，都當係投資，依家cover番成本。（點獎勵愛駒？）我好想探佢，想買啲紅蘿蔔同薄荷糖畀佢食，不過未有時間。」提到其愛駒的賠率於比賽前急跌，但他否認是他落重本下注：「我係馬主，只係買例飛。（買咗幾多？）錢就唔講，小賭怡情就OK。」

熊黛林	城城全程心情大靚，表現風騷，更大擺鬼馬甫士。

問他會否考慮用獎金買情侶錶予緋聞女友熊黛林（Lynn）？他竟以媽媽為擋箭牌說：「我打算買隻（錶）畀媽媽。（唔怕『有人』呷醋？）唔會。（佢都錫你媽媽？）為人子女嘅都會錫父母。（送隻畀佢媽媽？）冇諗到咁長遠。」

昆凌收祝福就夠冧

同場的台灣混血女模昆凌則表示是次來港三天，問到周杰倫有否送過手錶或戒指給她？她均回應：「沒有。（送過甚麼給你？）送一句生日快樂，這樣就很好。（有沒有去旅行？）他在拍戲，太忙。」

文：名人組