鄭融怕男友變河童
電台主持森美及歌手鄭融昨日出席維特健靈維新烏絲素《激髮魅力‧髮型激變‧由你選擇》記者會，帶病上陣的鄭融大呻病得好辛苦，又怕傳染男友，所以最近甚少見面。不過，當提到男友一旦出現脫髮問題時，她就大叫：「唔好變河童頭呀，我寧願佢剃光頭呀！咁樣仲有男人味啦！」
自嘲騎呢
至於身為代言人的森美就「Chok晒樣」，打扮成頭髮稀疏的大叔出場，還笑言自己是河童大叔，好比日前參加面試「亞洲先生」參賽者一樣騎呢，他說：「我覺得佢哋應該整我呢個頭參賽啦！簡直係今年當打髮型，連周柏豪個All Back頭都要行埋一邊呀！（自己打算參賽？）我梗係贏唔到啦，冇番咁上下男人味同自信心，係唔能夠着住三角泳褲示人o架！」
多做幕後
另森美大爆自己的發展大計：「想做多啲幕後工作，而今次個廣告係我自己搞嘅，依家陸陸續續都有唔少公司搵我幫手搞廣告，真係好難得！」
文：音樂組