官恩娜口震震 求刀下留人
官恩娜簽約「四大」之一的華納唱片公司後，有傳將「絕迹」無綫。她昨日為新劇宣傳時，口震震否認擔心是「最後一劇」，並謂希望自己的戲份能得以保留，更直接抓撈想再合作！
傳因簽約華納後有機會「絕迹」無綫的歌手官恩娜，昨日落力為無綫新劇《雷霆掃毒》宣傳，她坦言無綫一向對她很好：「今日布景板都有我個樣呀，十三日仲有個宣傳要做。（有傳宣傳片無你？）唔知，頭先配音都仲有自己戲份。（預咗會無？）唔會，希望唔好剪啦！」她透露唱片公司亦有派員了解，相信沒有戲分被刪。
問到會否擔心是她在無綫的「最後」劇集，她即口震震說：「希望唔會啦，出道至今無綫畀好多機會我，合作得好開心，想再合作。」問到是否舊唱片公司與無綫仍有歌手合約，故仍能亮相？她說：「唔知，不過舊合約好似到12月。（續到約咩？）乜都可慢慢解決，Never Say Never，我對無綫好有感情，我會用正面態度面對。」
林峯拒避吳千語
在場表情多多的林峯表現風騷，並回應日前的廣州簽名會被腰斬一事：「當時商場聚集咗太多人，喺呢個敏感時期公安係緊張啲，佛山一站都取消咗，之後要為電影到內地戲院宣傳，呢度應該無問題。」對於早前電影首映後被拍到與緋聞女友吳千語和吳尊晚飯，他解釋：「嗰晚係慶功。（唔使避忌？）電影活動唔需要避忌。」
同場的徐子珊則稱新劇中會有被輪姦和被打毒針的戲份，演時已豁了出去。問她是否「博攞視后」？她說：「有提名先算啦！」
文：影視組