城城愛的呼喚 初嘗勝滋味

郭富城（城城）昨穿黑西裝、戴黑超到沙田馬場觀看愛駒「愛的呼喚」首度出戰，同賽馬匹有阿叻愛駒「莫己若」。沈嘉偉偕妻子邱淑貞、張智霖亦專誠到場撐好友城城。當城城走到沙圈時，有馬迷大叫：「城城sure win！」

(8)「愛的呼喚」跑第6場，當馬匹準備出賽時，城城留在主席房專心欣賞，最後愛駒以凌厲後勁勇奪第一。眼見愛駒成功跑出，城城即笑逐顏開，並移玉步到沙圈拉頭馬及拍照享受「創舉性一刻」攞頭彩。城城頭馬在賽事中屬次熱門，落飛至入閘前，由6倍躍升至4點2倍賠率，至於陳百祥的「莫己若」屬三次熱門，賠率為6倍。

郭富城	熊黛林	「愛的呼喚」由柏寶策騎，成功奪第一名。

似經典好歌

城城受訪時坦言心情緊張：「當『愛的呼喚』準備出賽嗰一刻，感覺好似自己個仔去比賽咁，最後200米個心呯嘭咁跳，衝線太強。好開心同驚喜，冇諗過會贏！」問到女友Lynn未能一齊拉頭馬會否感遺憾？他說：「唔緊要，今次唔多大信心，如果知嘅，會叫埋公司同事嚟睇。（Lynn有落注支持你。）咁咪好囉！」

城城不怕熊黛林呷醋，開心得與外籍女友人攬攬。	甚少出席公開場合的沈嘉偉，專誠帶埋老婆邱淑貞到馬場撐城城。	阿叻與黃杏秀結伴到場，初時他信心十足一定拉頭馬。

比賽前，阿叻曾誇口會贏第一，城城對此大方表示：「冇嘅，都係一個運動，開賽前我哋傾偈都話邊個隻馬贏，都會叫對方一齊拉頭馬。」城城又讚愛駒似李小龍：「佢啲肌肉好犀利，同啱啱買番嚟判若兩駒。自己都有買基本例飛支持，依家斷定佢係好馬，好似首歌咁係經典好歌。」他透露原想帶母親到場，但因母親之前弄傷腳，擔心不便而取消。他又稱希望愛駒將來成為王者。

不想搶風頭

城城「愛的呼喚」勝出比賽，Lynn亦「居功至偉」。前晚她出席活動時穿了一身紅噹噹的低胸晚裝，果然紅色極旺城城，令他拉頭馬，認真「旺夫」。當時問她會否到馬場為城城愛駒打氣？她說：「唔會，隻馬第一次出賽，馬先係主角，我想你哋影隻馬多啲，我去都會低調入場。（你唔想做陪襯？）如果放假我覺得係消遣，知道有記者喺度要化妝着得靚，感覺唔似放假。（呢期興戴帽喎。）我已經咁高，再戴帽就好誇！我會喺冇人留意低調入場。」自言不懂買馬的Lynn坦言一定會投注支持城城。

她透露父母會來港幾天，故中秋會留港陪父母，不會到澳門睇城城的演唱會。Lynn又笑言在家中看月亮比城城家的觀景更好。記者昨日聯絡Lynn，她以短訊回覆自稱在茶餐廳觀看比賽，當時有大叫為「愛的呼喚」打氣。她笑言投注了200元，現贏得幾百元彩金。

文：音樂組