周汶錡欠餡 完美新娘爭一分
名模周汶錡（Kathy）與未婚夫Julien Lepeu將於本月29日於法國康城舉行一連三日的婚禮，前晚她出席北京活動時，就首度開腔談及婚事，她表示婚禮以靚為主題，妹妹周麗淇是伴娘，至於會否介紹伴郎、兄弟給妹妹？她說：「我都希望佢快啲搵到個啱，但要隨緣，唔可以心急。」Kathy指婚禮的準備時間很短，亦不肯透露男友如何求婚，問她是否奉子成婚？Kathy則說：「唔係。（畀老公幾多分？）100分，佢係完美。（咁你自己呢？）99分。（欠1分係因為未有『餡』？）係啦！（想快啲變100分？）係呀！」
另一位模特兒陳祉妤則透露，早前為出席海口國際明星高爾夫球賽練跑，卻不慎跌倒地上，後腦撞向門檻，結果縫了12針才出院，並需休息兩星期才可再做運動，幸而照過掃描未有腦震盪。
