超盈揀男友 首選「影」帝
引起全城熱話的iPhone 5昨日正式在港發售，大美人林青霞更是全港首位名人用家！昨日出席手機活動的賭王四房長女何超盈，風騷透露裙下之臣眾多要慢慢揀外，更透露擇偶條件，就是要適應做公眾人物，任「影」唔嬲。
早前宣布與男友Greg分手的賭王何鴻燊四房長女何超盈，昨日神采飛揚出席3 Shop在中環舉辦的「3 iPhone 5」開賣活動，對於被指已有新歡鬍鬚男，超盈立刻否認：「佢係我髮型師！嗰日我整完頭，佢咁啱放工，我哋先一齊行！對方有女友，唔想影響到佢，真係好對唔住！」問到感情有否着落，超盈說：「未有，揀吓先，係有人追，未有心水，如果拍拖一定公開！（擇偶條件？）接受到我屋企同埋信得過！（係咪因為受情傷先咁諗？）唔係情傷！只係大家屋企夾唔到，佢係普通人家，接受唔到我太高調嘅屋企，同我一齊唔慣被人影！（同富二代先得？）唔一定，但要接受到被人影！」
生日想賭王送車
於本月24日生日的超盈透露將考車牌，問到會否叫賭王送車？她即笑說：「哈哈！有暗示過！不過爸爸唔明女仔點解要揸車，加上又有司機，又認為香港揸車危險，但我有信心！」
張智霖微博晒命
另外不少圈中人在微博大晒iPhone 5，有公關上載林青霞手執電話的照片，不過只見其晒巨鑽的玉手，不見其樣，更指林青霞是全港首位iPhone 5用家，另外張智霖、o靚模謝芷蕙亦同時在微博晒命，張智霖更言：「我是第一個用iPhone 5拍照的藝人嗎？」
文：專案組