Naomi狂迷威脅驚慌報警
李思捷緋聞女友Naomi（馮鎵瀠）自推出超性感寫真集後，似乎惹來不少狂蜂浪蝶對她想入非非，繼早前夜蒲差點被外籍男子強吻後，19日再被狂迷跟蹤。Naomi當日凌晨3時許在觀塘住所附近的公園與友人傾電話時，發現附近有一男子行為鬼祟，還不時望住她。Naomi感到不安而返回住所大堂，豈料該男子扮住客尾隨，還自顧入(車立)上8樓，家住9樓的Naomi雖感奇怪，但仍視對方為住客而放心回家。
回家後，Naomi準備洗澡時發現有人關了她家的水龍頭總掣，由於她居住的屋邨屬舊式設計，水喉掣設在家門外，Naomi只好心慌慌半開家門張望，卻隱約見到附近有雙男人腳。Naomi嚇得致電朋友求救，朋友卻認為她疑神疑鬼，此時她發現有人在氣窗外拿住手機偷窺，嚇得她即時大叫，並報警求助！
唔敢回家 希望搬走
Naomi事後接受本報訪問時仍猶有餘悸：「我真係好驚！警察15分鐘就到，但個男人已經離開現場，佢扮住喺8樓，警察話拉到人就會通知我，呢幾日我都唔敢返屋企，我對呢度冇晒信心，好想快啲搬走。警察都話今次唔似係狗仔隊所為，而係狂迷跟蹤，希望佢哋盡快拉到人啦。」
文：名人組