鍾嘉欣母返港 秘密見女婿

無綫藝人鍾嘉欣和武打影星伍允龍早年因合作電影被傳撻着，緋聞足足傳了五年。雖然二人未曾承認戀情，但經常隔空打情罵俏。就算早前傳出二人分手，男方亦急急澄清暗示情未變。

甚少提及戀情的嘉欣亦向伍允龍大派定心丸，大讚他斯文細心，更直認曾與男方家長會面，似認定其男友身份。

拖實過馬路

居於加拿大的嘉欣母親最近來港，據知已獲女兒安排見未來女婿。日前下午四時許，嘉欣陪母親到中環行街購物，素顏上陣的嘉欣戴上粗框眼鏡及鴨舌帽，見她與母親沿途有傾有講。

兩母女沿途有傾有講，感情要好。	孝順的嘉欣到櫃枱幫母親買食物。	伍允龍與嘉欣的緋聞傳足五年。（資料圖片）

雖然嘉欣被不少途人認出，但卻未有理會，只顧與母親雞啄唔斷。其後二人到咖啡店醫肚，逗留半個多小時才離開。之後兩人步行往附近的大廈，當過馬路時，嘉欣甚為緊張拖實母親的手，可見兩母女感情甚佳。

見好多朋友

記者事後聯絡嘉欣，問她母親專程來港是否與伍允龍會面？她初時避而不答，只說：「媽咪每年都會有三個月嚟香港陪我嘅。當日媽咪同我去中環剪頭髮啫。」再問母親此行是否已與伍允龍見面？她甜絲絲說：「總之媽咪已經見過我好多朋友啦。」

文、攝：追蹤組