志偉闊老爺逢女派鑽石
曾志偉細仔曾國猷昨日小登科兼兒子百日宴，榮升老爺的志偉既興奮又感動，除了難得四代聚首一堂，還豪擲7位數字給在場的至親女性親戚，每人送上一粒鑽石，認真豪爽！
志偉兒子曾國猷與女友張可蕙昨日舉行婚禮，於尖沙咀某酒店筵開36席，志偉與女兒曾寶儀、兒子曾國祥早到場，而志偉表哥馬時亨、成龍、譚詠麟、黎瑞恩夫婦、苗僑偉夫婦、佘詩曼、洪天明、吳君如、周家蔚、姚樂怡等到賀，身為老爺的志偉心情興奮，全程笑到四萬咁口。
群星到賀新老爺
志偉透露最開心莫過於台灣、加拿大等地的親戚，專程來港出席婚宴，好讓他們來個四代同堂大合照，雖然前妻寶媽未有到場，但志偉一樣高興，他笑謂：「我好多老婆，大合照好多人，仔女、老婆、仔女嘅男女朋友。（送咩畀新抱？）送咗『玻璃頭』，人人有份，女士就有，係鑽石，最少7位數字啦！（咁個孫呢？）包場囉！」談到其四名子女感情要好，志偉表示也有趁機找他們模仿兒時拍照的甫士再拍一次，感覺尤其得意，將於明年60大壽的他，已計劃好與親友到外地狂歡，返港後再舉行派對慶祝。
日頒勳章拒出席
對於中日關係尚未平息，有指他已辭演日劇《金田一少年事件簿》，志偉亦坦承謂：「呢個環境點拍，我仲推埋日本嘅冬季旅遊特輯，下個月當地政府頒個最高榮譽勳章畀我都唔去。」與關淑怡關係不俗的他，表示對方答應不會做傻事，待心情平復再約飯局。至於曾國祥則透露與堂兄弟及妹妹夾份送蜜月套餐給一對新人，更指是日乃弟弟的BB出生100天，故婚禮等同BB百日宴。
文：影視組