趙式浩祝福姊姊開心
Gigi的同父異母弟弟趙式浩對於姊姊已婚一事，坦言聽聞身邊朋友講過，但沒有求證，因最近家姐甚忙成日飛，故沒有傾過，若然屬實會祝福她，他說：「Sean為人好好，同我都好熟。（贊唔贊成佢哋一齊？）點會唔贊成？家姐開心就得。（但係爹哋好似唔贊成佢哋一齊？）我唔知爹哋點諗，我哋喺佢面前好少講呢啲嘢。（爹哋比較盟塞？）唔係，佢好開通，佢可能唔清楚情況，我覺得每個人有自己想法，好似我咁，生咗仔都冇結婚，有自己抉擇。」姊弟感情一向好close，家姐亦很愛錫他。
而Gigi的堂姊趙式和表示不知她們行禮，最近大家好少見面聯絡，惟式和認識Sean多年，大家通常在派對上碰到，雖不算熟落，但覺得對方很友善。式和支持Gigi的決定，認為對方開心就得，對於趙世曾似不大接受？她說：「都明白，始終上一代諗法同呢一代唔同。」