趙世曾：冇咁嘅事
對於趙式芝（Gigi）與同性蜜友楊如芯結婚，Gigi父親趙世曾驚訝之餘並不肯接受事實，多次反覆說：「冇咁嘅事。」前晚他從記者口中知道Gigi結婚一事時，不斷反問：「你講邊個？阿芝？你搞錯啦！」他又說不知道女兒與Sean拍拖，亦未見過Sean：「突然結婚？冇可能，佢冇帶畀我睇過，唔知佢（Sean）係邊個。（你會尊重女兒嘅決定？）冇人同我講過，完全唔知，係你哋搞錯。」至昨日記者再度致電趙世曾，他依然堅持Gigi沒有結婚：「冇啲咁嘅事，我都唔知！（有冇打畀Gigi問清楚？）我冇打畀佢，我唔會問清楚。（唔接受佢哋結婚？）都冇咁嘅事。」
至於Gigi母親前女星姚煒，身為虔誠基督徒的她對女兒與女友結婚，她平靜的說：「係咩？（支唔支持女兒嘅決定？）我自己睇法，當然呢個社會好多嘢都冇所謂，但從神嘅角度，係唔贊成、唔容許，叫佢同神交代，之前我用好強硬嘅手段，搞到同佢關係唔好，神主宰一切，人唔可以控制一切，我哋要交託畀神。」
她稱會尊重所有人的決定，知否她倆在法國結婚？姚煒無奈說：「我冇出席，但有聽講過，我可以控制到人哋咩？相信一切神會掌管。」她自認沒有好好教導女兒，而自己的婚姻亦可能影響了她。