徐子淇千億名師陪玩陪食
徐子淇為了慈善，處女下海化身「補習老師」，教新移民中學生英文。她除了準備英國地道小食及果醬予學生外，更與他們打籃球、食午餐及唱歌，毫無架子，「千億新抱」變身「千億名師」。
「千億新抱」徐子淇、陳豪昨日出席慈善活動，子淇透露自己為幫助有需要的人，親身上陣為新移民中學生補習英文。首次擔當「補習老師」的她興奮地表示：「好耐冇接觸十幾歲嘅小朋友，除咗補英文，仲同佢哋打籃球、食午餐、唱歌，大家互相學習，好開心。」她還專誠準備了英國地道小食及果醬予學生，非常細心。她還自爆幼時覺得自己英文水平好，故反叛地逃學，續說：「逃咗去附近嘅超級市場，撞到都逃課嘅外籍老師，大家都當無見過大家！」
大女扭計要陪瞓
另外，她透露早前患病的子女已痊愈，卻踢爆細女非常獨立，但大女卻常扭計要入房陪瞓。她說：「早排佢病所以一齊瞓，依家死都唔肯返房，坐喺我房門口等，好似乞兒仔咁。我唔忍心，最後又『的』番佢入嚟。」而問到她有關其父斥資四千萬於佛山建廟一事，她坦言：「我知道，但幾多錢又唔知，進展都唔知，遲啲我都想去睇吓。」
陳豪讚保養得宜
而同場的陳豪大讚子淇即使作為三小朋友之母，仍然保養得宜。記者即提議他與女友陳茵媺早生孩子，他回應：「催我都無用，努力緊！（努力咩？）各方面、為將來有好嘅籌謀。（結婚生仔？）去到咁遠，你哋成日催我，我收到o架喇！」他更高調表示希望此感情有開心結果，向女友大派定心丸。
文：名人組