陳靜買胸圍似揀男友
由模特兒轉型演員的陳靜（DaDa）昨日為日本內衣品牌擔任模特兒行騷。近日反日浪潮激烈，問她接日本品牌工作會否擔心？DaDa稱早已接了此工作，希望大家明白。她說：「唔應該將怨恨發洩喺Bra上，唔關啲Bra事。」
DaDa透露平日行街很少看衫，反而喜歡睇胸圍和鞋，笑言揀胸圍像男友一樣。她說：「男友唔同老公，梗係要靚仔啦！揀胸圍要靚要舒服又要有承托功能，男友一樣又要靚仔又要夾，仲要可以令自己進步，提升自己。」她又稱現在洽談三部電影，其中一部將十月初開拍，演窮家女角色，很多內心戲，故最近她不停看電影，希望盡快揣摩角色。