的骰糖妹圓長腿夢
唱作組合糖兄妹形象健康又注重環保，獲慈善機構睇中擔任環保大使，糖妹（黃山怡）還獲贈人生首個Figure公仔，由於Figure公仔將她身形拉高，令的骰的糖妹擁有夢寐以求的「長腿」，更被男友Dominic嘲笑，不過她反擊指男友頭細身大，如果要變Figure就要重新設計身形比例！
糖兄妹向來熱衷創作，又注意環保，早前兩人獲委任為「仁愛堂環保大使」，糖妹更獲動畫監製兼玩具設計師錢國棟送贈Figure公仔，糖妹大讚公仔形神俱似，尤其是面上的痣也出現在公仔上；而最緊要是向來身材的骰的她，終於擁有期待已久的「長腿」，變成「長腿姐姐」，令她大感雀躍。
嘲男友頭細身大
自與組合Bro5成員Dominic（何浩文）公開拍拖後，糖妹不時公開大晒甜蜜點滴。問糖妹有否把Figure給男友過目？她笑說：「佢都有睇過，（似唔似？）佢好搞笑話『咁長腿嘅？』。」至於會否親自設計一個Figure公仔送給男友，當作情侶禮物？她笑着反擊稱：「我諗吓先，若果真係設計畀佢，我會幫佢整個頭，同個身體Balance（平衡）番，因為佢依家頭細身大。」
動畫ＭＶ倡環保
此外，糖兄妹為宣揚環保，唱了一首名為《世界也能夠感受》的歌，動畫ＭＶ導演阿May將糖兄妹化身為動畫人物，相當可愛。談到平時如何環保？糖兄妹齊表示會自備水樽及毛巾，不會浪費食物，並且多乘搭交通工具。
文：專案組
攝：黃叔榮