周麗淇做伴娘 吼實男家靚仔
周麗淇透露家姐周汶錡於本月底在法國舉行的婚禮籌備得如火如荼，她坦言家姐終於出嫁令她安心晒，又笑言到時要看看男家有沒有靚仔，似乎想跟家姐一樣找個法籍男友！
周麗淇（Niki）昨晚出席Max&Co.新店開幕活動，問她家姐周汶錡婚禮籌備如何？她說：「如火如荼。（喺康城舉行？）好似唔係，附近啦，留番畀佢講，我唔想幫佢講任何嘢，總之婚禮唔會喺香港搞。（係咪搞三日？）唔知幾多日，外國好多嘢要處理。」
終於嫁安心晒
擔任伴娘的Niki透露將為家姐準備禮物送上驚喜，Niki說：「見到家姐出嫁好開心，終於嫁喇，我安心晒。（見家姐嫁你想唔想嫁？）緣分未到冇得急，你哋唔問我就唔會急。（叫家姐到時介紹男仔你識？）我會睇吓男家有冇靚仔，不過家姐話男家好多都結咗婚。（你鍾意外國人？）講笑咋，見到靚仔會望吓嘅。」
JM強調冇同居
而同場的Janice Man（JM）就表示正忙於搬屋，她強調並沒有跟舊愛李冠峰同居，又透露有意置業，不過覺得置業很大壓力，一定要小心行事。對於有傳她老闆黎明與樂基兒婚變一事，她說：「我呢排忙到冇時間見佢哋，相信只係傳聞，唔係真嘅。」
文：名人組