葉蒨文求沖熱水涼 導演鬧冇道德
葉蒨文（Sally）紅館開騷在即昨日特別在九展的展覽廳，與十多名舞蹈員進行排練，Sally和兩名外籍排舞師一展拉丁舞技，Sally被舉起轉圈睇頭十足。Sally不停咳嗽，她坦言失聲了兩日，她不愛睇醫生，已煲了十多劑藥來飲。問是否老公林子祥（Lam）煲？Sally笑言：「吓……好難啦，我煲畀佢就差唔多。（阿Lam知你唔舒服？）佢啱啱美國返有時差佢都暈陀陀。」
情況嚴重 冇人出聲？
講到因無綫有導演藉詞教戲將女演員「笠頭兼撞埋牆」，Sally坦言：「如果咁嚴重，點解隔籬啲人唔做嘢呢！我同啲舞蹈員都推嚟推去，但我哋好開心好甜蜜蜜。」
低溫拍戲 要求被拒！
問到當年可曾遇過惡導演？Sally稱：「冇人咁對過我，當年喺菲律賓碧瑤拍戲，拍到滿身血漿，氣溫得四度仲要沖凍水，我問導演有冇熱水，我話自己畀錢轉酒店，導演就話我冇演員道德，之後我惟有畀錢酒店阿姐幫我煲水囉。」雖然Sally不肯說導演是誰，但記者即場翻查網上資料，Sally所拍的電影叫《賓妹》，導演是卓伯棠。Sally笑言：「咁都畀你哋搵到。不過，我都覺得自己唔啱，唔夠團隊精神。」
文：音樂組