丁子高笑千嬅速龍變野兔
丁子高昨日現身金飾活動，期間大騷囝囝Torres的可愛近照。丁子高指囝囝對鏡頭十分敏感，有入娛樂圈的潛質。曾笑指老婆楊千嬅在生產前後是暴龍、速龍的他，笑言千嬅已變回小野兔，純得來帶點野性！
丁子高（Real）、張燊悅昨日一同出席Just Gold鎮金店的「Just Babe x Real Ting系列發布會」，首次設計金飾腳鏈的Real借用了囝囝Torres的腳仔拍廣告，並笑囝囝腳粗，是巨型B，三個月大便重達16磅。他又發現小Torres原來很有做娛樂圈的潛質：「小朋友通常對有顏色嘅嘢敏感，但我部相機係黑白色，我向住邊佢就跟住望邊。」
丁子高指已幫囝囝報了三間幼稚園，待辦妥入讀事宜後，千嬅就會復工。曾指千嬅生產前後分別是暴龍和速龍的他，笑指老婆已慢慢變回小野兔：「唔係小白兔咁純，仲有啲野性。」他又爆千嬅現時像導演，會每日拍下囝囝的生活片段，而兩公婆現時的時間都畀晒囝囝。記者取笑Torres似足他肥嘟嘟，他笑言：「佢成長速度太快，飲奶都快過人，咁生多個似媽咪囉。（又造人？）冇，等兩年啦起碼。」
對於早前被拍得跟千嬅在街上齊齊黑面，問他是否太錫囝囝而冷落了千嬅？他解釋：「唔通行行下笑咩？（扁晒嘴喎？）天氣熱啫，冇嗌交。（千嬅有產後抑鬱？）冇，依家我哋時間都畀晒小朋友，唔想miss個仔任何階段。」
張燊悅：我鬱咗兩次
至於張燊悅談到千嬅疑有產後抑鬱時坦言：「個個女人生完都有，我都鬱咗兩次啦，特別生第一胎時。」她又指抑鬱期間，老公不能忽略老婆，特別是受慣別人關注的藝人老婆。
文：名人組