呂慧儀、肥媽和蘇民峰昨日為無綫《皆大歡喜之溏心風暴》節目錄影。經常被指有孕最後都否認的慧儀，問她可需要煮補品給老公進補？慧儀說：「唔使，我老公都好健壯！不過屈指一算依家造人會生蛇B，老公係蛇，BB又係蛇，佢哋咪連一陣線排斥我？都係二人世界先。」但在旁的蘇民峰卻算出慧儀是生蛇B，令到慧儀都冇計，並笑稱要趕快回去造人。同場的肥媽稱十多年已冇返無綫，最近忙於返大陸工作，會否跟無綫合作則未知。
