「魔童」揸槍辣無綫 垃圾冇誠意!
隨着政府計劃多發三個新免費電視牌照，無綫電視王朝受到嚴重衝擊，大施銀彈挖角的「電訊魔童」王維基，前晚在活動上暗寸無綫節目是垃圾兼冇誠意，還率大部份來自無綫的大將向疑似無綫TVBuddy的電視機「開火」。而與無綫素有牙齒印的環球也加把火助拳，派出吳雨霏免費為有線拍MV。面對內憂外患，無綫可謂四面楚歌。
踩入電視界的「電訊魔童」王維基前晚率領約一百四十位藝員抱括黃日華、張可頤、周家怡、關楚耀等「晒冷」出席城市電訊成立二十周年慶祝派對，台上王維基繼續貫徹其「魔童」性格，大發偉論，暗寸無綫節目是垃圾及對員工不尊重，王維基說：「好想知佢哋諗乜，呢行最重要係尊重，要學識點樣尊重大家，唔好再畀啲垃圾大家睇，政府亦要尊重電視台，快啲發牌。」
不能容忍「施虐」
王維基接着率領一眾幕後包括總導演及創作總監進行「誓師儀式」，他們以水槍射向疑似無綫TVBuddy的電視機，似向無綫「開火」，王維基說：「玩水槍代表財力、實力充足，我哋會打造新天地，唔會好似有啲電視台咁製作冇誠意冇創意嘅節目。」他還稱現時製作的節目不會是「炒冷飯」的港劇水準，自詡「自家製」劇集以美日劇為目標。
講到無綫「神獸天使」劉蔚萱疑被導演張永豪「施虐」事件，王維基說：「如果呢啲事發生喺我公司，我會好嬲，因為違背咗我哋嘅管理哲學。公司亦唔會有王親國戚！」對於有傳劉蔚萱受虐片流出是一些競爭對手之「無間道」所為，王維基則說：「唔清楚，近來好忙冇留意。」
可頤儲蛋遲啲生
眾星在派對上大談近況，貴為城電「一姐」的張可頤在台上被黃日華問到是否準備生仔？可頤則回應各方面也準備中。張可頤笑言：「我結婚生仔已經準備咗廿幾年，不過依家唔知仲生唔生得，近期朋友提議不如『儲蛋』（冷藏卵子），咁就遲啲生都得，自己都諗緊！」
可頤主演的無綫劇《天梯》將出街，其中老妝造型也曝光，可頤暗彈無綫化妝「唔掂」：「我為咗呢個妝兩日兩夜唔瞓，希望做到效果，點知出嚟都係唔滿意，原來靠啲膠水唔得嘅！」可頤謂接拍時答應了監製李添勝日後會幫手宣傳，但現在也沒有收到無綫通知。
黃日華對於無綫導演張永豪疑虐待女演員時坦言：「我識張永豪時佢做緊PA，（有冇見佢鬧人？）咪就係見過阿佘（佘詩曼）畀佢鬧咗兩句嗰單，不過阿佘EQ好高、好堅強嘅。」黃日華坦言如教戲教到推撞埋牆實在過分，見到定必會出聲阻止。再問黃日華無綫高層曾勵珍力撐該導演，他則說：「高層話啱咪啱囉。」
採訪：影視組