秋生嘆演技冇得逼
身在內地的黃秋生，對於有導演試圖以非常方法逼出演員演技，對演出要求極高的秋生說：「教戲唔係咁教，傷害人係唔專業，唔知呢位導演邊度學番嚟，方法太極端！演戲係擬似真實，演員係用情緒記憶去做戲，搞到個演員驚恐，點演落去？唔通拍火燒，演員演得唔夠真，搵把火燒佢咩？其實兩個鐘都做唔到個戲嘅演員，基本功都未夠，唔應該再去傷害演員心理狀態。」
電影導演邱禮濤亦不大贊成張永豪的處理手法：「我唔喺香港，不過初步咁了解，都覺得件事有問題，唔通你拍小朋友喊戲，個小朋友喊唔出，你走去搣佢咩？呢樣嘢唔合理，起碼我唔會咁做囉。」