錢嘉樂晒父愛BB好生猛

藝人錢嘉樂、汪明荃、岑麗香及一眾《巴不得媽媽…》演員昨日在商場為劇集宣傳兼迎中秋，將為人父的嘉樂仔全程拖實劇中的囝囝，大顯父愛。問到他是否有當爸爸的心情時，他說：「梗係要有！」他又表示雖未知BB的性別，但已看了超聲波片：「幾得意，識郁手郁腳，醫生話好生猛。（排咗床位？）應該順利排咗，佢睇嗰個醫生係一條龍服務，醫生話預產期明年3月中。」
岑麗香獲阿姐賜教，唔怕被鬧。
岑麗香獲阿姐賜教，唔怕被鬧。

至於被稱為新一代宅男女神的岑麗香，表示多謝支持。她擔心廣東話不好，會不停NG阻礙拍攝進度，所以要背好稿才睡。問她有冇被阿姐汪明荃鬧？她說：「我覺得如果你肯問阿姐，佢會好肯教你，阿姐要求一定要準時係啱嘅，好有道理。」又謂現時多job接，有個瘦面廣告下個禮拜推出。而有傳與阿姐不和的黃淑儀昨未見現身，阿姐表示從來都冇不和，因黃淑儀返了加拿大才缺席。

錢嘉樂、汪明荃和羅仲謙台上玩遊戲。
  • 錢嘉樂、汪明荃和羅仲謙台上玩遊戲。