JC美國慰型男關係升級
「警鐘胸」女模Jessica C.從不吝嗇自己身材，昨日又「胸」降會場，爆出深長的事業線，表示自己喜愛周遊列國，不愛亂搞關係，男友一個就夠， 而今次L.A之旅，雖未與該隱形型男發展成拖友，卻有進一步了解，關係親密更勝從前。
昨日Jessica C.（JC）身穿露肩連身短裙出席活動，谷胸現身搶盡鏡頭，她表示剛從L.A回港，主要為一部驚慄片試鏡外，更透露為著名歌手Taylor Swift的《We are never ever getting back together》拍輯MV，內容講述一對戀人分手後再不會復合，問她現實生活中會否如歌曲般決絕？她直認不諱：「歌曲寫得好好，同我好有關係，我係會決絕分手嘅人。」她又大讚Taylor樣子甜美，且十分親民：「佢雖然好有名氣，但好nice，佢係一個甜美嘅女仔，我係佢fans，見到佢之後更加鍾意佢。」
男友一個就足夠
問JC會否在世界各地結識異性時，她坦言只愛結識新朋友，男友一個就足夠：「我好鍾意去旅行，但覺得男友一個就得，否則會令我頭痛。」她又甜笑地表示今趟L.A之旅，與該隱形型男感情更進一步：「佢唔係我男友，我哋未係男女朋友關係，仲係測試中，但關係親密咗，不過我想佢嚟香港，會了解我多啲，我感覺都好啲！」
黃浩然左腳受傷
此外，黃浩然表示將會拍劇《初五啟市錄》，更透露早前做了小手術：「我左腳半月板受傷，係輕微，醫生話如果嚴重要用腳架三個月。我都唔知幾時整親，可能係勞損，有時做嘢唔夠瞓冇精神，拍打戲又冇足夠熱身，扭到關節都唔知，不過已康復中。（咁咪唔可以同囝囝玩？）抱都OK，但唔可以跪同跑。」而同場還有藝人李璧琦、梁佑嘉、陳蕊蕊等。
文：名人組