陳志健學泰拳打到嘔
前港男陳志健（Otto）出名健碩愛打拳，為拍《女拳》首接觸中國國術，繼跟冼灝英師傅學大聖劈掛，其後拍劇集《拳王》前半年又開始學泰拳，更一玩鍾情，至今練武約三年多。Otto指泰拳看似很暴力，但實則要技術調節，更須食腦：「玩泰拳要有知識去攻同防，喺短時間內做決策，仲可以練身體協調。我以前好大隻好鈍，依家個腦快咗、肌肉又鬆咗，動作控制都好啲，無咁論盡。」他直言學識泰拳後，拍戲機會相對多了。
Otto笑稱最難忘拍攝《拳王》時，跟不同的真拳手對打，初時亦感到害怕，他謂：「我同個6呎3、重我100磅嘅師兄打，佢已經就住我，但都打到我瘀晒，仲想嘔！」問到未婚妻羅苡之可有跟他練泰拳，Otto坦言對方不喜歡太撞擊性的運動，只愛投球及跑步。
