江若琳床戰 阿牛頂唔順
馬來西亞歌手陳慶祥（阿牛）首次拍談情及床上戲即遇上靚女江若琳，嚇得阿牛大呼「太刺激」，更要躲在暗角回氣冷靜，十分搞笑。抵死的阿牛又踢爆她拍戲時遭肌肉男攝影師迷倒，但江若琳笑辯只是欣賞對方工作時的專注。
寰宇藝人江若琳（Elanne）與馬來西亞歌手阿牛因合作電影《結婚那件事》結緣，二人戲內戲外均以「BB」相稱，感情要好。問二人現實中會以甚麼暱稱另一半時，曾離婚的阿牛大方透露以「大頭」稱呼前妻：「因為佢叫我豬頭。」Elanne即含羞答答謂：「好多喎，豬豬咯！」
未試過拍靚女
談到首次合作即有接吻及床上戲，阿牛大呼「太刺激」，並謂首天開工拍婚照拍攝場面已緊張得數度氣喘：「拍戲咁耐都未試過擔正，仲有個咁靚嘅女朋友，加上Elanne一嚟到已好熱情攬住我，所以我成日要走埋一邊回氣同冷靜自己。」Elanne亦取笑阿牛謂：「係喎，佢成日拍拍吓要走埋一邊喘氣，好搞笑。」更自爆也是首次在戲中與男主角修成正果。向來守身如玉的Elanne，被取笑在戲中難得展露事業線，她聞言搞笑謂：「我要配合番新加坡同馬來西亞啲女仔，佢哋着得仲性感呀。」
鍾情滴汗肌男
阿牛亦盛讚Elanne是好老婆，指對方甘願學藝氹老公開心，但卻抵死踢爆Elanne鍾情肌肉猛男：「我哋有個攝影師好大隻，Elanne次次見到佢拎住部攝影機都好興奮。」Elanne聞言即搭嘴謂：「係呀，佢揸住部機，仲要流晒汗咁，好犀利！」但卻強調愛慕原因並非在於猛男外表：「我欣賞佢工作時嗰種專注咋。」
文：影視組
服裝：Marc by Marc Jacobs
髮型：James Lee@HAiR
化妝：諺瞳‧小白＠Picturesque Gate
場地：九龍富豪酒店