翁虹為「囡囡」改名靠粉絲幫拖

本身已有一名五歲大女兒Crystal的翁虹，一直希望為家中增添新成員，奈何工作忙個不停，造人計劃被迫押後。但翁虹不忘抽時間參與公益活動，早前應邀到四川雅安的熊貓基地，並認養了一隻雌性熊貓，目前最頭痛是為「養女」改名。

翁虹說：「其實今次除咗我，林保怡、方力申同台灣藝人陳志鵬、李威都有認養，黃曉明仲認養咗一對龍鳳胎，叫做『平平安安』。老公見我咁傷腦筋，好似當日為Crystal改名一樣緊張，叫我不如喺微博公開招募，呼籲朋友同粉絲幫手，我覺得好有意思。」

培養孩子關愛別人

記得第一次與「養女」見面，翁虹笑言已經要通山跑。她笑謂：「佢十足小朋友成日走來走去，又會好識詐嬌扭你餵蘋果畀佢食，有時仲會發脾氣唔理你，真係好得意。」

由於一年內有十次探訪機會，每次可以與不多於十個人同行，翁虹已計劃下次發起「明星媽媽關愛大熊貓」活動，邀請一些星媽帶同子女一起探訪，從中培養孩子愛護自然環境與學會關愛別人。