Aka陪沖涼 睇Heidi全相
組合Super Girls日前飛到溫哥華登台，雖然只是四日三夜，但首次一同出埠的5女表現興奮捱眼瞓都要「濕平」，成員Heidi因怕黑不敢一個人沖涼，最後要搵隊長Aka齊齊赤裸浸浴，Aka坦言不感尷尬，並大讚對方皮膚白滑。
人氣組合Super Girls憑青春活力俘虜萬千少男心，日前獲溫哥華電台邀請在當地開騷，5女得悉後表現興奮，原來此行是她們「處女行」，隊長Aka說：「大家知道後好開心，真係寓工作於娛樂，上飛機前一晚通宵拍MV，大家瞓得2小時就要上機。（有冇『濕平』？）雖然時間好緊迫，但都捱眼瞓一早起身出去行。」
皮膚夠白滑
Aka踢爆好姊妹Heidi極度怕黑，不敢單獨一間房，就連沖涼都要搵人陪，她說：「佢好怕黑，所以陪佢一齊浸浴。（肉帛相見？）係呀，冇尷尬。（睇晒對方？）都係o架，當然佢靚啲，皮膚好白滑。」問到其餘3成員有否在浴室外偷看？Aka笑說：「冇，佢哋喺床傾偈。」
老外求合照
Aka透露與好姊妹行超市時，遇上當地老外要求合照，她說：「行行吓有個外籍男仔行埋嚟問我可唔可以同佢影相，仲讚我有氣質，禮貌上都有同佢影。（有冇問你攞電話？）有呀，當然冇畀啦，佢最後送咗包糖畀我。」記者取笑是定情信物，Aka說：「畀啲姊妹食晒喎，我只係食咗幾粒。」
文：音樂組