李亞男有樓先嫁：安心啲
李亞男前晚在活動上坦言還未有計劃與男友王祖藍聯名買樓，卻大讚對方一直努力賺錢置業，自己不會因男友有物業才下嫁，但承認有樓有安全感！
李亞男前晚與馬國明、楊洛婷、胡敏珊等為太子珠寶鐘錶「詩歌瑰麗名錶夜」擔任模特兒，示範多款鑽飾與名錶，身穿火紅色tube dress的李亞男谷出心形胸，盡騷三四吋長的事業線，十分養眼。當她接受訪問時多謝記者大讚她性感，對於是否在港有物業？她說：「我身上有成六百幾萬鑽飾同名錶，可以買一層幾好嘅樓。」她又嘆香港樓價貴，雖然未買得起，但仍需要買。
當記者笑她會否叫男友王祖藍一齊回加國居住時，她甜笑地說：「我鍾意，佢都鍾意。（乜唔係嫁雞隨雞？）我都尊重佢，到時我有兩個家。」她稱未有計劃與男友共同買樓，大讚男友現努力賺錢買樓結婚，問到是否男友有物業才會下嫁時，她否認：「我唔睇佢有無物業，不過趁年輕搵錢買樓較穩陣，亦覺得有安全感。」她稱自己的dream house像外國有花園的，感覺較溫馨。
馬國明等跌市做業主
另邊廂的馬國明，戴上過百萬名錶感到既緊張又手震，他笑言自己是愛錶之人，但買樓更實際：「我個戰錶都係五位數字！不過我覺得買樓較為實際，我未有物業，仲儲緊錢，睇樓價幾時跌。」他又透露希望買到千四呎安樂窩，夠他一家四口住，並會買多間作愛巢。至於有指楊怡已買大屋時，他口快地說：「好似係……如果係就恭喜佢！」一直有睇開樓盤的他又謂揀樓如揀老婆，係一世的，雖然身邊無乜女仔人選，但他相信緣分，不會心急擇偶。
文：名人組