文詠珊長髮唔剪 遮兩點
黎明愛將文詠珊Janice Man（JM）前晚出席活動時，自爆有意拍攝裸照作私人珍藏，並構思好以一把長髮遮掩胸前兩點，而其攝影發燒友母親更可為她操刀呢！
JM前晚現身攝影展，同場還有苟芸慧、田蕊妮、杜如風、黃貫中及攝影師夏永康等。JM表示熱愛攝影，既喜歡影人亦享受被影，其母親更是攝影發燒友，她說：「佢會研究唔同相機鏡頭，連續三年佢生日我都係買攝影器材畀佢。」其後，JM自爆原來一直有個夢想，就是影裸照作私人珍藏，但強調：「唔係你哋諗嗰種性感呀！」她繼而再自揭其一頭長髮的秘密：「我唔剪我把頭髮，一來係為咗等拍洗頭水廣告，二來係想用長髮遮住胸前兩點影裸照。」
放心交夏永康操刀
談到心目中的操刀之人，JM笑謂除了母親及女攝影師以外，同場的著名攝影師夏永康是可放心拜託之人，她直言：「我同佢好熟，之前試過影時裝相，我入面冇打底，喺佢面前走光，我可以好大膽。」問到會影半身裸照還是全身裸照？她笑言：「未諗，你哋都睇唔到，我會自己保存。（有可能會外洩？）呢啲相一睇就知係藝術，唔係床照。如果係為慈善，我可以公開啲相。總之唔可以咁遲影，呢兩、三年要影o架喇！（會唔會激啲，好似台富二代李宗瑞嗰啲相？）呢啲污糟嘢唔講。」
苟芸慧夥友開影樓
另外，苟芸慧透露有意跟朋友合資開設影樓，並計劃邀請更多圈中好友投資，問到預計投資多少？她說：「我估至少要六位數。（係咪第一次做生意？）係呀！所以都驚。（擔唔擔心朋友間為金錢有爭拗？）唔會，我只係畀錢，唔會參與。（可能會畀人呃？）唔好咁講，朋友之間係講信任。」
文：名人組