Do姐舊愛碰頭零交流
鄭裕玲（Do姐）與陳年舊愛甘國亮昨日在海港城活動中碰頭，同場另有徐濠縈及黃耀明等。Do姐與甘國亮雖同坐嘉賓席，但毫無交流，被要求合照時，甘國亮即耍手擰頭，記者問甘國亮不畀面Do姐？Do姐說：「關我咩事？」但甘國亮隨後又拿手機拍下Do姐領紀念品的一刻。兩人拍攝大合照時，推其他人站在中間，但最後亦有碰杯。
Do姐坦言很久沒見甘國亮，但不時會在共同朋友的聚會中碰頭：「始終以前拍過拖，但都咁多年，見面都會傾偈。（分手亦是朋友？）當然。（但甘國亮表現避忌？）佢對個個都係咁，唔係因為我嘅。」