林莉聞恩師患病感突然
曾跟隨張達明學演戲的名模林莉，知道達明患病的消息後，感到好突然，她說大約一年前跟達明學戲，去年又曾捧場欣賞對方的棟篤笑，不覺對方有異樣。
林莉說：「我哋都好耐冇聯絡，但過時過節會互傳訊息問候，有時佢都會主動傳訊息畀我。一直見佢好開心好樂觀，佢係一個好有諗頭轉數快嘅人，有創意，又做幕前幕後，百足咁多爪。佢都畀咗好多意見我，因為我生得高，佢覺得我有天分，有份霸氣，有啲角色會掌握到，我對自己演戲冇乜信心，佢就畀咗呢份信心我。」
她又讚對方為人友善，尤其很疼錫家人，她祝願對方身體健康，更希望對方可以堅強勇敢面對，她說：「做人同做戲都係一樣，正能量好緊要。」