祖兒JM大方密密斟

容祖兒、文詠珊（JM）、徐濠縈及余思敏等昨日一同出席Anteprima時裝活動，其中祖兒首度跟曾與師兄傳緋聞的JM同場，見慣大場面的祖兒表現大方自然，還跟對方合照，期間二人更咬耳仔，大談時裝經。事後祖兒稱未有留意師兄跟JM的緋聞，又笑言自己不是記者，故不會過問對方。

開心電影口碑佳

問到祖兒其擔綱主演的電影《DIVA華麗之後》票房怎樣？她說：「我聽番口碑好好，朋友都好鍾意個劇情，不過劇種唔算大路，但自己都開心有呢個口碑，可能我要做多啲宣傳，因為謝票好大作用，不過自己忙搞唱片，而且票房無論點樣唔係一個人嘅責任。」她又笑言會找昨天生日的謝霆鋒進修演技。

放大圖片	祖兒與JM表現熱情，互傾時裝經。	（左起）汪圓圓、諸葛紫岐、祖兒，JM和徐濠縈同屬時尚潮人，難怪被邀出席時裝活動。

拍戲被迫食蟲蛹

JM對於跟祖兒同場，就笑謂跟師兄的緋聞太假，相信對方也不會相信：「我都戥佢哋開心，會祝福佢哋！」她又指師兄腳受了傷也有慰問，不會因此避忌。此外，她透露剛從昆明拍戲回港，大讚當地四季如春，皮膚質素也改善了不少，她續說：「不過嗰邊好鍾意食蟲蛹，仲逼我食，我死都唔肯，（如果拍戲要食呢？）咁就犧牲好大囉！」

文：名人組