郭晉安冇返屋企 囝囝詐型
無綫藝員郭晉安和萬綺雯昨日到迪士尼樂園為劇集《老表，你好嘢！》拍攝外景，現場吸引大批遊客圍觀拍照，劇情講到安仔和萬綺雯帶一班小朋友到樂園遊玩。現場所見安仔和萬綺雯開工時一臉倦容，原來兩人連日來為趕拍《老表》已經多日冇覺瞓，昨日拍完通宵戲，隨即又要拍攝外景，相當辛苦。
動作多熱到暈
安仔原來已經有48小時沒有睡過覺，難怪樣子攰爆，他謂近十年也未試過如此緊密拍攝，問安仔可有向監製反映？他說：「都有，其實監製已經盡量安排，但係拍攝製作問題都冇辦法。」安仔連日趕工連返屋企也沒時間，問安仔兒子有沒有掛念爸爸？安仔說：「個仔呢排見到我都係問我呢句，爸爸聽日你又返工呀？見唔到個仔，呢排天氣又熱、又多動作戲，真係好攰，今朝見到陽光幾乎暈低。」
萬綺雯似飄移
但充滿父愛的安仔見到其他小朋友在樂園玩得開心，精神也為之一振，他笑謂：「不過我就唔敢同個仔講話去迪士尼拍嘢，驚佢扭計要嚟。」
而女主角萬綺雯也跟安仔不遑多讓，過去三日只睡了45分鐘，現在行路也腳浮浮似在飄移，她說：「依家已練成去到邊瞓到邊，係呢個禮拜趕戲辛苦啲，以前拍劇咪仲辛苦，頂得住嘅，有安仔呢個伴都開心啲。」
文：影視組