黃智雯巴辣狂摑王浩信
無綫小花黃智雯與王浩信前日為新劇《好心作怪》拍攝一場街頭「開拖」戲份，七情上面的智雯先掌摑浩信，並一手扯爆其恤衫鈕，再狂抓他上半身留下幾道指甲紅痕，盡顯巴辣妹本色。
身軀及俊臉同告受傷的浩信，笑指面部有少許腫，要冰敷降溫：「老婆有少少心痛，不過係我要求智雯真打，好過NG好多次，同埋之前合作第二套劇都有畀佢打過，所以都慣咗畀佢冚。」智雯聞得浩信傷勢即耍冧說唔好意思：「希望佢冇事，敷多啲冰啦。（人哋太太心痛！）拳腳冇眼嘛，我太投入嘞，之後攝影師仲笑我原來咁惡，其實平時我唔係咁，今次係配合角色效果啫！」
