周秀娜big爆 胸前飛釘

性感女神周秀娜昨以紅色恤衫加緊身褲倒奶現身電動遊戲發布會，率先試玩最新喪屍遊戲。未知是否所穿恤衫太窄，娜姐「洶湧」的上圍竟big爆衫鈕，更要以疑似釘書釘固定恤衫心口位置防走光。

突現「鴛鴦胸」

訪問期間，記者更發現娜姐恤衫驚現防走光膠紙，兼出現少許「鴛鴦胸」，對於行慣性感的娜姐來說可謂老貓燒鬚！事後得知(火羅)爆穿崩，她尷尬解釋說：「可能啱啱打機郁得大（勁）得滯。」

專射「女喪屍」

目前忙於拍攝內地劇的娜姐，估計要拍至10月尾，問到沒有時間陪男友陳偉成（Avis），怕否對方曳曳？娜姐即自信十足的說：「唔怕，佢有自己嘅生活。（夜蒲生活？）仲未宣傳完電影咩？我冇時間(目及)住佢。（放棄佢？）唔係，得閒買隻game畀佢玩，等佢唔好成日出街！（驚女喪屍纏住佢？）係呀！邊個出嚟我就射邊個。」一於以打機「掃低」纏着男友的狂蜂浪蝶。

活動中試玩遊戲的娜姐，數分鐘已被喪屍打死，明顯打機功力未夠，她笑言自己不懂打機，平時會否和男友Avis打機耍樂？她搞gag說：「佢做喪屍，我負責打佢。」

文：影視組