農夫邀拍MV 李慧詩派檸檬

香港女車神李慧詩多次表示在訓練期間受農夫的歌曲《456Wing》激勵，故昨日大會特別請來農夫出席她的祝捷會。初次見「奧運級粉絲」李慧詩，二子直言好緊張：「好開心見到佢，不過都好緊張，冇諗過可以見到奧運獎牌得主。」

雖然二子是李慧詩的偶像，但他們不諱言受到對方啟發，寫了一首新歌，成員陸永說：「睇佢嘅比賽畀咗靈感我哋，所以就寫咗首新歌送畀佢。」成員C君也說：「我哋係喺台上鼓勵大家實現夢想，可以激勵到佢喺奧運會上堅持落去，令我哋覺得好感動。」二子都覺得李慧詩的經歷又反過來鼓勵着他們：「佢令我哋覺得一路堅持嘅嘢喺啱嘅！」

新歌完成四分一

談到女車神賦予靈感創作的新歌，農夫坦然仍未完成，C君說：「首歌只係完成咗四分一，不過首歌係受佢（李慧詩）影響而寫，未作完都想即場唱畀佢聽。」當二子在台上唱畢這首未完成的歌，更力邀李慧詩參選MV拍攝，豈料當場被對方請食檸檬，她笑言要問體院同事。完騷後農夫稱他們和李慧詩都會上內地，十分有緣，故希望約她一起吃飯。

文：音樂組