祖兒拒公開傳情
天后容祖兒前晚參加音樂會後，自爆期間想起少女心事，一度眼濕濕，問是否諗起男友師兄劉浩龍？她甜笑說：「開番燈咩都唔記得晒啦，不過腦裏冇男友嘅畫面，我好公私分明！」提到被指與師兄在微博傳情，她說：「我絕對唔會公開傳情！（私下傳情？）私底下有私底下做嘅嘢，有咩出奇！」
祖兒昨日現身海港城出席活動，對於港姐「普選」失敗，她說：「我當時睇到都好驚訝，叫咗聲『真係o架？』不過冠軍都係我心水，但亞、季軍互調會好啲！我覺得無綫話畀大家知都好誠實！算啦，大家唔好嬲，當係一個小小瑕疵！」有指何韻詩新歡激似她？她解釋未睇有關報道，又指一直與阿詩有短訊聯絡。