Lynn44吋長腿 呻城城讚少咗

Lynn早前為時裝品牌拍攝秋冬系列廣告硬照，並由著名攝影師夏永康操刀。穿上略帶性感味道的新裝，Lynn笑言：「我鍾意性感打扮騷自己優點，但又驚出街會畀人望，都係夜晚或約朋友食飯先性感。（44吋長腿係賣點？）OK啦，畀我揀都係騷腳，人高有優勢嘅。」問到男友郭富城有否讚她腳靚？她即傻笑表示：「以前啲男朋友有講過，（依家呢個呢？）好耐冇聽過啦，可能慣咗，以前聽得多啲。」

堅決不會影淫照

此外，提到近日台灣富二代李宗瑞的淫照事件，Lynn說：「做呢行好多嘢要避忌，就算畀人影到有男仔喺度，都會亂寫一通，更何況同個男仔咁樣（影淫照）？冇可能發生喺我身上！」她又謂平日不去夜場玩，就算有朋友生日，都只會去相熟朋友的酒吧：「知道係安全地方先去。（城城擔心你？）始終有少少擔心，我目標（身高）咁大，如果人哋存心想對我點，好易就見到我，反而細粒嘅女仔戴頂帽就見唔到，所以我要小心啲。」

Lynn與夏永康（中）等工作人員合作愉快。	（設計對白）	熊黛林笑言愛稍為性感的打扮。

有事起飛腳還擊

Lynn更笑言去玩一定會穿牛仔褲，不怕走光外，有事發生更可以起飛腳還擊。至於有沒有送牛仔褲給城城？她就害羞表示：「唔講邊個啦，有送畀男友嘅，（邊類型牛仔褲？）型嗰啲囉，（城城走型格路線？）係呀！」　

文：名人組