汪圓圓鬧人嚇親王力宏
模特兒汪圓圓向來順得人，脾氣好到不得了，但也有發火的時候，最尷尬是首次發火鬧人就被偶像王力宏全程目擊，並嚇至目瞪口呆。圓圓說：「當時我喺大陸做一個慈善騷，同場有好多巨星，我表演跳一段舞，我一早就將音樂錄咗喺CD畀大會播，點知負責音響嘅員工一直都播錯歌，我本來喺中段出場，搞到我變咗壓軸，對方仲堅持嗰首錯嘅歌就係我嘅歌，後來仲畀我發現原來佢根本唔識用部電腦，真係激死我。」
她續說：「我最後忍無可忍就指住佢大鬧，當我鬧完佢，轉身就見到王力宏望住我呆咗，佢一定諗點解呢個女仔咁惡，估唔到第一次見面，就留下一個咁惡劣嘅印象畀對方，真係勁（火羅）！」
