志偉事先張揚 寸爆佳麗
《2012香港小姐競選決賽》昨日進行拜神活動，十位候選佳麗今晚舉行決賽，擔任司儀的曾志偉，事先張揚對張堅庭「世姪女」張名雅在問答環節不會留手，坦言要用詞尖銳才將港姐應變潛能爆出，對未見過面的湯鎮業姪女湯洛雯亦然。另錢嘉樂與湯盈盈雙喜臨門，志偉對此笑言：「獎門人家族喺呢年全部結晒婚，仲落晒訂……（一早知？）唔係！佢哋鬼鬼祟祟偷番薯！唔知蘇梅島個意義咁大，咁多秘密行動進行咗，問盈盈又扮唔知，好核凸！（做契爺？）點契得咁多！」
唔認食煙
而早前在港姐官網排行榜頭位跌至包尾的黃心穎，日前再被爆料人指她專識「富二代」、收禮、爛蒲兼食煙，是一名雙面人。問到黃心穎以上傳聞，她即否認：「食煙一定冇，錢同禮係阿爸畀，自己都有打工！（排行榜排頭係家姐幫？）家人支持唔係好事咩？（同家姐鬧交之後包尾？）冇，唔知點解排名會跌，（得罪佳麗？）唔會咁諗，參選預咗有新聞，唔影響信心。」
被指墮胎
另張名雅則被爆讀書麻麻，工作又要靠阿媽介紹兼曾墮胎，她昨稱：「我讀書都OK叻，至於工作都係靠實力（為男友墮胎？）我係同個加拿大同學拍過拖，但年幾前分咗手，（有BB？）梗係冇！（墮胎？）傳聞係假，冇試過、肯定冇！造謠者創作力豐富。」
文：影視組