全智賢露bra邊益fans
因韓片《我的野蠻女友》而爆紅的韓國女星全智賢，昨日和任達華在商場宣傳新戲，穿着泰山裝的全智賢原本心情大好，更不小心露出bra邊回饋香港粉絲，但因活動過長又言語不通，女神頓感冇癮，不時扁嘴兼露出沉悶表情。
韓國女星全智賢和任達華昨日出席《apm x「盜賊門」高手現身會》新片宣傳，穿着泰山裝連身褲的全智賢，胸前位置不小心露出少許bra邊。新婚的全智賢雖然表示暫不考慮生B，但她在台上見到一眾小朋友時即撲上前攬着他們，盡顯母愛。
華哥咀得出色
全智賢被台上主持問到香港和韓國男士有何不同時，她大讚港男：「雖然我唔係識得好多香港男士，但我覺得香港男士好溫柔體貼，呢點比韓國男士做得更好。」她又大讚好友華哥斯文有禮：「我覺得華哥待人好真心真誠，雖然同佢溝通只可以用英文，有時仲唔係咁流暢，但係全片嘅韓國演員都好鍾意華哥。」
在旁的華哥則笑說：「原來雞同鴨講都得！」他又提到在戲內的咀戲，令很多韓國影迷為之感動，他說：「有次聽到有個女仔尖叫，跟住成個韓國團三十幾人衝過嚟影相，搞到我個女都O嘴話點解咁多語言不通嘅人圍爸爸。」他亦表示在戲內的激咀戲份最初都令他有些尷尬：「不過呢場戲令不少韓國女士為之動容。（可惜冇得同全智賢咀嘴？）可以留番下一部戲。（佢老公呷醋！）你估琦琦唔投訴我咩，佢見我拍kiss戲都有少少O嘴。」
玉石雕章自用
至於前晚全智賢爭取時間到國貨公司買白色玉石雕章，她表示該雕章是自用，不是送給老公。
文：影視組