譚嘉儀唱得作得多線發展
樂壇競爭大，要爭上位殊不容易，去年「巨聲3幫」季軍譚嘉儀，入行差不多一年，雖然喜歡唱歌，但同時亦擔任主持、教唱歌及學跳舞，早前她還自導自演新歌MV，並將MV放上分享網站力谷人氣，務求作多元化發展。問到是否心急出碟？她說：「自己都想嘅，有機會實會把握，但時間又唔到自己控制。（等上位？）等緊一個適合時機。」嘉儀表示自己平時亦有作歌，問到是否走唱作女歌手路線？她說：「都係嘅，想走啲型格路線。」
譚嘉儀自言視「巨肺女聲」鄧紫棋為目標，又謂至目前為止，很享受在幕前工作，她說：「我諗唔到唔做呢行做乜，會繼續做落去。」談及主持工作，她表示起初表現欠自然：「係有啲驚，讀對白時經常『食螺絲』同唔靈活，後來慢慢好啲，當然要更加好啦。」她表示非常欣賞鄭裕玲及農夫擔任主持。
Profile：
姓名：譚嘉儀
三圍：34、24、34
學歷：New Zealand Otago University（大學音樂系畢業）
興趣：唱歌、跳舞、打排球等
演出經驗：《激優一族》主持
獎項：2011年《超級巨聲3》季軍